मित्र शत्रूपरी भेटला
हातचा एक मी घेतला !!
या गणितात आहे मजा-
रीत समजून घेउ चला !
या उधारीत बर्बाद मी
हाच व्यवहार का येथला ?
लोकशाही कशी रे तुझी?
देश माझा कसा पेटला
होय, बेसूर, बेताल मी
ताल माझा जरा वेगळा !
गप्प का जाहले ते असे ?
प्रश्‍न साधाच मी रेटला !
शून्य म्हणजेच रे विश्‍व हे !
शून्य म्हणजेच रे भोपळा !!
विजयकुमार राउत
प्रयोगशाळा
----------------छान परिक्षा घेवून गेला, तुझा उन्हाळा !!
जखमांवर का,मीठ चोळतो,थंड हिवाळा !!
आजार भेटला, जसा तसे मी, निदान केले
आयुष्याला समजत गेलो प्रयोगशाळा !!
कुणी कुणाच्या दुःखाचे का कारण असते?
दोष तरी का,उगाच द्यावा कुणी कुणाला?
कोण पाहुणा, या गावातून निघून गेला?
वेशीवरती दूर दूर का, उठे धुराळा?
कुणीच नाही, कुणासारखा,शंभर टक्‍के
प्रत्येकाचा , रंग निराळा,ढंग निराळा !!
तुझी त्सुनामी , येते आणि , निघून जाते
दुनिया,अशीच जाते,रसातळाला !!
विजयकुमार राउत
............................
