तू असा तू तसा, तू कुणासारखा?
शेवटी तू निघाला, जनासारखा !
शब्दसुरांत गातो तुझी भैरवी
आज झंकार तू पैजनांसारखा !!
मी मला वाटलो जर नकोसा कधी
टाळतो मी मला दुर्गुणांसारखा !!
तू अकस्मात रस्त्यात येता, गडे !
बघ, कसा वागतो मी सज्जनासारखा !!
जिंदगानी ! मला तुच समजून घे !!
होय, जगतो खरा मी मनासारखा !!
एक नाते असावे जगावेगळे...
गुंतला कसा तू बंधनासारखा !!
व्यर्थ कोणी उगाळू नये कोळसा
देह झिजवा इथे चंदनासारखा !!
प्रिय माझी असू दे फकिरी मला !
मी भला बापडा, निर्धनासारखा !!
सत्य हे जाणिले, एकदा शेवटी...
मीच केवळ धुळीच्या कणासारखा !!
शेवटी तू निघाला, जनासारखा !
शब्दसुरांत गातो तुझी भैरवी
आज झंकार तू पैजनांसारखा !!
मी मला वाटलो जर नकोसा कधी
टाळतो मी मला दुर्गुणांसारखा !!
तू अकस्मात रस्त्यात येता, गडे !
बघ, कसा वागतो मी सज्जनासारखा !!
जिंदगानी ! मला तुच समजून घे !!
होय, जगतो खरा मी मनासारखा !!
एक नाते असावे जगावेगळे...
गुंतला कसा तू बंधनासारखा !!
व्यर्थ कोणी उगाळू नये कोळसा
देह झिजवा इथे चंदनासारखा !!
प्रिय माझी असू दे फकिरी मला !
मी भला बापडा, निर्धनासारखा !!
सत्य हे जाणिले, एकदा शेवटी...
मीच केवळ धुळीच्या कणासारखा !!
