* विजयकुमार राउत
हातांमधुनी अर्थ निसटतो सुखासारखा !
"फेस' तुझा मी वाचत बसतो "बुका'सारखा !!
आयुष्याचे झाले असते सोने अमुच्या
सांगुन सांगुन थकून गेला तुकासारखा !!
आनंदाच्या लहरीवरती वितळून जातो
निराश होता गोठुन जातो तुपासारखा !!
तारिफ करता सौंदर्याची असेच होते-
चंद्रही जातो लाजुनि, तुझिया मुखासारखा !!
सारे आहे अनित्य इथले, बुद्ध म्हणाला-
बदलुन जाशिल कधीतरी तू रूपासारखा !!
या धरतीच्या कंठालाही कोरड पडली
पाउस येतो, वाहून जातो, मुतासारखा !!
* विजयकुमार राउत
