घाव झाले जुने, वार ताजे हवे
वेदनेला फुटावे घुमारे नवे
हाक मारून माघार घेतील का?
दूर गेलेत जे पाखरांचे थवे
काल जे तू दिले तेच सांभाळतो
आज डोळयांत माझया तुझी आसवे
फौज घेउन सारे निघाले कसे
सूर्य झाकायला जसे काजवे!
काय लाचार ही जाहली जिंदगी
काय आयुष्य हे फाटके नागवे!!
आठवांना जरी टाळले मी तरी
तेच तेच सारखे पुन्हा आठवे!
सुखाची कशाला करू याचना?
दुःख गाते सदा गीत माझयासवे
विजयकुमार राउत
vraut90@yahoo.com
